Rab Janey Kiwen Zainab MP3 Download

بسم رب الحسینؑ

نوحہ پاک

رب ڄانڑیں کیویں زینبؑ ڳئی ننگے سر بازارے

بازاراں دیوچ سائینڑیں کوں آئے ڈیکھنڑ شامی سارے

۱۔

میں دخترِ شیرِ خدا ہاں اتے وارثِ انّما ہاں

چند چادراں ڈیوو ساکوں کل پور جو پردہ دارے

۲۔

ناں وچ بازار دے رولو یا رسیاں ساڈیاں کھولو

والاں دے پردے بنڑاؤں ساڈے ویر جو ڳئے ہن مارے

۳۔

قیدی بھرڄائياں نال ہن ہک رسن اچ چھوٹے ٻال ہن

کیوں پتھر مریندے ہو ساکوں کیتا ٹرنڑ توں نہیں انکارے

۴۔

وچ کربل دے مر جاندی ایں شام دیوچ ناں آندی

میکوں ٹرنڑ دا ڈاھ نہیں آندا ناں ویر علمبردارے

۵۔

اساں قابل نہیں ایں جاء دے ڈس میکوں پتر سجادےؑ

نہیں چادر سر میڈے تے

کیویں ویساں وچ دربارے

۶۔

جوھر خاتون دی ڄائی اوکھی دربار آئی

کھا درد ناموس دا ڳيا تانہیں رویا رت بیمارے