Kofay Main Murtaza Lyrics

پردیس میں یتیمی ہے زینبؑ پہ چھا گئی
شیرِ خدا کا ہو گیا چہرہ لہو لہو

کُوفے کے سب یتیم ہیں بے آسرا ہوئے
گھر میں خدا کے ہو گیا مولا لہو لہو

ظالم نے ضَرب ایسی ہے ماری کہ اَلاَماں
روتا ہے آج عرشِ مُعَلّٰی لہو لہو

آغازِ کربلا ہے قیامت کی ہے گھڑی
حیدرؑ کا ہو گیا ہے عَمَامَہ لہو لہو

مارا گیا ہے سجدے میں اک روزے دار کو
قرآن آج ہو گیا سارا لہو لہو

محوِ بکا ہیں زینب و کلثوم دیکھ کر
بابا علیؑ ولی کا جَنَازَہ لہو لہو