Aao Baba Ko Rukhsat Karo MP3 Download

بیٹیاں تھیں جنازہ تھا احساس تھا

دور بابا کی میت سے عباسؑ تھا

وقتِ رُخصت کفن جب ہٹایا گیا

آخری بار چہرا دکھایا گیا

اپنے عباسؑ کا جب خیال آگیا

دیکے آواز شبیرؑ نے یہ کہا

آؤ بابا کو رخصت کرو

آج بازو بھی ہیں اور جنازہ بھی ہے

جب سے بابا نے چومے ہیں بازو تیرے

کربلا یاد آتی ہے بھائی مجھے

ایک زخمی بدن ہوگا جب بےکفن

کون آئیگا بھائی اُٹھانے اُسے

آج سب ہیں چلو تم مرا ساتھ دو

دور بیٹھو نہ اب میرے غازی اُٹھو

جانتا ہوں بہت صبر تم نے کیا

اپنے بابا کہ قاتل کو پانی دیا

زخم گہرا ہے اب بھی شکستہ ہےسر

اُسنے تلوار سے وار ایسا کیا

ضرب کے زخم سے خون پھر نا بہے

دیکھو میت رکھی ہے بہت دیر سے

جیسے اماں نے مجھکو بلایا سنو

تم بھی بابا کو اکبار آواز دو

ماں کیطرح سے بندِ کفن توڑ کر

اپنے سینے سے تمکو لگالینگے وہ

اُنکا احساس ہو تم تو عباسؑ ہو

میرے بابا کے دل کے بہت پاس ہو

بس یہ ارمان ہوتا ہر باپ کا

میرے بیٹے اُٹھائیں جنازہ مرا

کہکے یہ بات شبیرؑ رونے لگے

اور پھر ہاتھ سینے پہ رکھ کر کہا

ایسا نا ہو کبھی باپ اُٹھائے کوئی

اپنے کاندھے پہ میت جواں لال کی

یاد ہے تمکو بابا نے جاتے ہوئے

ہاتھ رکھا تمہارا مرے ہاتھ پہ

تمکو شب کی نمازوں میں مانگا گیا

اے مرے بھائی کربوبلا کیلئے

کیا یہ صدمہ ہے کم ہیں یتیم آج ہم

ہائے آغازِ کربوبلا ہے یہ غم

تھام کر اپنی ٹوٹی ہوئی پسلیاں

دیکھوبابا کےپہلو میں بیٹھی ہیں ماں

ہائے غربت وہی ہاتھ پہلو پہ ہے

تازیانوں کہ جس پہ ہیں اب بھی نشاں

دیکھو اے باوفا ساتھ ہیں مصطفٰی

چل کے بابا کو اب بول دو الوداع

دیکھو بابا کی میت سے لپٹی ہے وہ

تم ہی زینبؑ کے جینے کی اُمید ہو

بھائی شبرؑ نے رُخ سے ہٹایا تھا جو

اپنے ہاتھوں سے تم وہ کفن باندھ دو

عکسِ خیبر شکن مر نہ جائے بہن

تمکو دیکھے گی تو چھوڑدے گی کفن

بات بہنوں کی آئی تو غازیؑ اُٹھے

اپنے بابا کی میت کی جانب چلے

آکے بابا قدموں کا بوسہ لیا

اے رضا حال ذیشان کیسے لکھے

جب جنازہ اُٹھا گھر میں کہرام تھا

روکے عباسؑ نے بھائیوں سے کہا