Sirf Ali Hai Manqabat Lyrics
Paishwai:
Mere Ali A.S Ke barabar nahi hey koi nahi.
Ke Ruh-O-Nafs-E-Payambar SAWW Nahi hey koi nahi.
Khuda ke ghar main jo aya Khuda ke ghar se gaya.
Siwa-E-Haider-E-Safdar Nahi hey koi nahi.
Haider Haider (A.S).
Astai:
Sirf Ali A.S Hai.
Sani:
Jo Syed-E-Aalam ka bila-fasl Wasi hey.
Untray:
1: Har koi to Allah ka dilbar nahi banta.
Har aik ki khatir to naya dar nahi banta.
Wo jis ke liye Kabay ki diwar khuli hey.
2: Toheed ko hey naz ye hey aesa Namazi.
Jis par hey shuja’at ko bara naz wo Ghazi.
Qadmo’n ke nisha’n jis ke baqa dhund rahi hey.
Segment: Dil main Munafiqee’n ke ek khalbali hey aj.
Chehro’n pe Momino’n ke ajab tazgi hey aj.
Masroof kiu’n na jashn main ho sari kainaat.
Mola-E-Kainaat ki Aamad hui hey aj.
Haider Haider (A.S).
3: Wo sans bhi leta hey to Allah ki khatir.
Wo deen-e-Muhammad SAWW ka hey har gam pe Nasir.
Saae ki tarha sath jo humrah-e-Nabi hey.
4: Karrar hey wo mera Ali A.S, Shair-E-Khuda hey.
Khaibar ko parho, bhai mere, saf likha hey.
Islam ke lashkar main agar mard koi hey.
Segment: Tootay huay dilo’n ka sahara Ali Ali (A.S).
Allah ke Nabi ne pukara Ali Ali (A.S).
Detay nahi kabhi bhi kisi ghair ko sada.
Molaio’n ke lab pe hey nara Ali Ali (A.S).
Ali Ali (A.S).
5: Kia takht-e-hukumat ki hey oqat batao.
Hakim koi Haider A.S sa agar hey to dikhao.
Aalam ki hukumat jisay Allah ne di hey.
6: Insa’n ko jo naam banata hey Qalandar.
Baizar ko wohi naam banata hey Abuzar.
Jis naam ko suntay hi qaza kanp gai hey.
Segment: Hamsar-E-Mola Ali A.S Koi bhi la sakta nahi.
Unko rutba jo mila koi bhi pa sakta nahi.
Shair main un ke fazail main baya’n kesay karun?
Ye samandar wo hey jo kuzay main aa sakta nahi.
Haider Haider (A.S).
7: Wo Dast-E-Khuda Kon hey hum sub ka sahara.
Qura’n ne jisay Nafs-E-Nabi Keh ke pukara.
Har aik zaba’n Zain yehi bol rahi hey.
Sirf Ali A.S Hey.
