Humne Aankhon Se Dekha Nahi Hai Magar
Listen online or download Humne Aankhon Se Dekha Nahi Hai Magar Naat in MP3 by Unknown & Top 100 Naats MP3 Free Download
Humne Aankhon Se Dekha Nahi Hai Magar Naat Lyrics
Humne Aankhon Se Dekha Nahi Hai Magar
Unki Tasweer Seenay Main Mojood Hai
Jisne La Kar Kalaam-e-Ilahi Diya
Woh Muhammad ﷺ Madinay Main Mojood Hai
ﷺ
Phool Khiltay Hain Parh Parh Ke Sallay Alaa
Jhoom Kar Keh Rahi Hai Yeh Baad-e-Sabaa
Aisi Khushboo Chaman Ke Gullo’n Main Kahan
Jo Nabi ﷺ Ke Pasinay Main Mojood Hai
ﷺ
Humne Maana Ke Jannat Bohat Hai Hasee’n
Chhor Kar Hum Madinah Na Jaae’n Kahee’n
Yu’n To Jannat Main Sab Hai, Madinah Nahi
Aur Jannat Madinay Main Mojood Hai
ﷺ
Chhorna Tera Taiba Gawara Nahi
Saaray Aalam Main Aisa Nazaraa Nahi
Aisa Manzar Zamanay Ne Dekha Nahi
Jaisa Manzar Madinay Main Mojood Hai
ﷺ
Woh Abu Bakr, Farooq, Usma’n, Ali
Hain Yeh Sab Unke Deen-e-Mubee’n Ke Faqeeh
Woh Faqeeho’n Ke Afsar Shah-e-Anbia ﷺ
Woh Shehanshah Madinay Main Mojood Hai
ﷺ
Be Sahaaro’n Ko Seenay Se Lipta Liya
Jisne Jo Manga Usko Ataa Kar Diya
Woh Faqeero’n Ke Yawar Shah-e-Anbia ﷺ
Woh Shehanshah Madinay Main Mojood Hai
Disclaimer: All audio Naats shared on thenaatsharif.com are uploaded with permission from their rightful copyright owners. If you believe any of your copyrighted material appears here without authorization, please reach out with a copyright complaint, and we will remove it right away.