Abbas Ka Nara
Listen online or download Abbas Ka Nara Noha in MP3 by Nadeem Sarwar & Noha MP3
Abbas Ka Nara Noha Lyrics
Darya pe jo pohncha Asadullah ka pyara
Lalkar ke phir fauj ko Ghazi yeh pukara
Tum sab yehi kehte the ke darya hai hamara
Ab dekho ke darya hai hamara ke tumhara
Lo cheen lo yeh hum hain, yeh qabza hai hamara – darya hai hamara
Darya hai hamara
Abbas ka naara hai, Alamdar ka naara – darya hai hamara
Lo cheen lo yeh hum hain, yeh qabza hai hamara – darya hai hamara
Abbas-e-Alamdar, Alamdar, Alamdar
Main Haider-e-Karrar ke saaye mein pala hoon
Main Fatima Zahra ki duaaon ka sila hoon
Abbas mera naam, Alamdar-e-Wafa hoon
Yeh naam o nasab hai meri qismat ka sitaara
Darya hai hamara
Lo cheen lo yeh hum hain, yeh qabza hai hamara – darya hai hamara
Abbas ka naara hai, Alamdar ka naara – darya hai hamara
Aaqa ki duaaon ka karam saath hai mere
Dekho Bani Hashim ka hashm saath hai mere
Rutba hai Alamdar, alam saath hai mere
Lehra ke phiraira bhi yeh karta hai ishaara
Darya hai hamara
Abbas ka naara hai, Alamdar ka naara – darya hai hamara
Abbas-e-Alamdar, Alamdar, Alamdar
Saahil pe jo yeh fauj ke dasti hain tumhare
Ek aan mein paiwand-e-zameen hoon abhi saare
Darya ulat aaye abhi qadmon mein hamare
Ek hashr bapa kar doon main, kar doon jo ishaara
Darya hai hamara
Lo cheen lo yeh hum hain, yeh qabza hai hamara – darya hai hamara
Abbas ka naara hai, Alamdar ka naara – darya hai hamara
Khat bhej ke tum ne jinhein Yasrab se bulaya
Mehman the lekin unhein darya se hataya
Pyaase hi rahe woh, unhein paani na pilaya
Allah ne jin ke liye Kausar ko utara
Darya hai hamara
Abbas ka naara hai, Alamdar ka naara – darya hai hamara
Abbas-e-Alamdar, Alamdar, Alamdar
Yeh hukm hai Aaqa ka, na talwar uthana
Warna meri zarbon se larazta yeh zamaana
Yeh fauj-e-jafakaar, yeh zalim ka thikaana
Ek naize se naqsha hi badal jaayega saara
Darya hai hamara
Lo cheen lo yeh hum hain, yeh qabza hai hamara – darya hai hamara
Abbas ka naara hai, Alamdar ka naara – darya hai hamara
Kya fauj ki tadaad batate ho humein tum
Hum dekhein ke kis tarah hatate ho humein tum
Kis haakim o jaabir se darate ho humein tum
Ab naam na lena kisi haakim ka dobara
Darya hai hamara
Abbas ka naara hai, Alamdar ka naara – darya hai hamara
Abbas-e-Alamdar, Alamdar, Alamdar
Pyaasa hoon magar sun lein sabhi dushman-e-jani
Paani mujhe peena nahi, le jaana hai paani
Haaye mere masoom ki woh tishna dahani
Hai mashk-e-Sakina unhi pyaason ka sahaara
Darya hai hamara
Lo cheen lo yeh hum hain, yeh qabza hai hamara – darya hai hamara
Abbas ka naara hai, Alamdar ka naara – darya hai hamara
Tareekh ne dekha na hilal aisa wafadaar
Ab bhi hai tarai ki zameen par woh dil afghaar
Woh dekh zara roza-e-Abbas-e-Alamdar
Ek zinda gawahi hai yeh marqad ka nazara
Darya hai hamara
Abbas ka naara hai, Alamdar ka naara. darya hai hamara
Lo cheen lo yeh hum hain, yeh qabza hai hamara, darya hai hamara
Ek shor hai… Darya hai hamara
Disclaimer: All audio Naats shared on thenaatsharif.com are uploaded with permission from their rightful copyright owners. If you believe any of your copyrighted material appears here without authorization, please reach out with a copyright complaint, and we will remove it right away.