| Noha Title | Ziyarat E Nahiya |
|---|---|
| Noha Artist | Shahid Ali Shahid |
| Click Here To Download Ziyarat E Nahiya Lyrics | |
السلام علیٰ شہید الشہدا
السلام علیٰ قتیل الادعِیاء
السلام علیٰ ساکنِ کربلا
امامِ عصر کا محضر بنا ہے فرشِ عزا
ہیں سوگوار عزادار یوسفِ زہرا
دلوں کو خون رلاتی ہے ناحیہ کی صدا
چراغِ صبر جلاتے پیمبروں پہ سلام
علی و فاطمہ زہرا پہ مصطفیٰ پہ سلام
سلام سبر قبا نورِ مجتبیٰ پہ سلام
شہیدِ راہِ خدا شاہِ نینوا پہ سلام
سلام علیک یا غریبِ نینوا
سلام علیک یا قتیلِ بے خطا
سلام علیک یا ابن زمزم و صفا
سلام تشنہ و دلگیر بے وطن پہ سلام
سلام دشت میں تنہا دریدہ تن پہ سلام
سلام خون سے رنگین ریشِ اطہر پر
خود اپنے خون میں غلطان بے کفن پہ سلام
سلام علیک یا غریب نینوا
سلام علیک یا قتیل بے خطا
سلام چاک گریبان خشک ہونٹوں پر
جھلستے تشنہ دہن پارہ پارہ جسموں پر
سلگتے دشت میں بکھرے ہوئے گُلوں پہ سلام
سناں کی نوک پہ چھڑتے ہوئے سروں پہ سلام
سلام علیک یا غریب نینوا
سلام علیک یا قتیل بے خطا
ہرہنہ سر شہِ والا کی حرمتوں پہ سلام
گُلوئے پاک کی کٹتی ہوئی رگوں پہ سلام
لبِ فرات لٹے پائمال تن پہ سلام
ملائکہ کی بلکتی ہوئی صفوں پہ سلام
سلام علیک یا غریب نینوا
سلام علیک یا قتیل بے خطا
سلام اکبر و اصغر سے ماہ تابوں پر
سلام صاحبِ زم زم کے شاہزادوں پر
لہو لہو لب و رخسارِ نازنیں پہ سلام
سناں کی نوک پہ اٹھتی ہوئی جبیں پہ سلام
سلام علیک یا غریب نینوا
سلام علیک یا قتیل بے خطا
سلام آپ پہ غم سے نڈھال عاشق کا
جو ہم رَکاب نہ ہونے پہ محوِ گریہ ہے
وفا کی تیغ اٹھاتا بدن فدا کرتا
دیارِ عشق میں لبیک کی صدا بنتا
لہو رلاتی ہے غربت شہِ شہیداں کی
سلام عاشقِ بے تاب کے ہزار سلام
سلام علیک یا غریب نینوا
سلام علیک یا قتیل بے خطا
سلام مالکِ تسنیم و زم زم و سِدرۃ
شبابِ جنتِ ماویٰ قسیمِ خاکِ شفا
سلام مَخزنِ عرفان حق شناس امام
سلام ناصحِ امت سلام درسِ قیام
بلند مرتبہ عزت مآب سجدہ گزار
سلام ناشرِ احکامِ دین عدل شعار
سپاہِ جبر سے لڑتے ہوئے جری پہ سلام
شجاع تیغ بکف دوسرے علی پہ سلام
سلام علیک یا غریب نینوا
سلام علیک یا قتیل بے خطا
لرز رہے تھے شقی رن سے اٹھ رہا تھا غبار
ہر ایک سمت سے آتی تھی الاماں کی پکار
لعیں نے دی یہ صدا شہ کو گھیر کر مارو
لباس لوٹ لو خیموں میں آگ سُلگاؤ
لہو میں ڈوبتی تشنہ دہن جبیں پہ سلام
نڈھال خون میں تر دُلدلِ حزیں پہ سلام
سلام علیک یا غریب نینوا
سلام علیک یا قتیل بے خطا
سُلگتے خیموں کو تکتی وہ چشمِ نم ہائے
لبِ فرات تڑپتا ہوا بدن ہائے
گُلوئے پاک پہ چلتی تھی تیغِ شمرِ لعیں
صدائے گریہ و ماتم سے کانپتی تھی زمیں
جگر فگار اسیرانِ نینوا پہ سلام
سناں کی نوک سے کھینچی گئی ردا پہ سلام
سلام علیک یا غریب نینوا
سلام علیک یا قتیل بے خطا
ہزار لعن ہو اُن بد نسب لعینوں پر
ہلا کے رکھ دیا ایمان کی فصیلوں کو
بس ایک وار سے قرآن کردیا تنہا
لہوں لُہان کیا بولتے وسیلوں کو
کیا زمیں پہ مُعطل نظامِ صوم و صلاۃ
شکستہ کردیا حِکمت کے آبگینوں کو
سلام علیک یا غریب نینوا
سلام علیک یا قتیل بے خطا
فلک پہ غربتِ شہ پر ملائکہ روئے
صفا و مروہ سے کعبہ منیٰ و مکّہ تک
پہاڑ روئے شجر روئے بحر و بر روئے
بتول روئیں نبی روئے اولیا روئے
سلام علیک یا غریب نینوا
سلام علیک یا قتیل بے خطا
Ziyarat E Nahiya Lyrics
Ziyarat E Nahiya is one of the best Noha by Shahid Ali Shahid.
You can listen this Noha online or download in MP3 from this site.
You can also read or download the lyrics of Ziyarat E Nahiya
Read or download lyrics of Ziyarat E Nahiya in roman urdu, urdu and english.
Disclaimer
This Audio is strictly meant for Promotional purposes. We do not wish to make any commercial use of this audio and intended to showcase the creativity of the artist involved. The Original Copyright(s) is (are) solely owned by the companies/Original Artist(s)/Record-Label(s). All the contents are strictly done for promotional purposes.
As per the 3rd section of fair use guidelines, borrowing small bits of material from an original work is more likely to be considered fair use. Copyright disclaimer under section 107 of the copyright Act 1976, allowance is made for fair use.