Ya Ali Mola MP3 Download

یہ مسجد یہ منبر یہ قبلہ یہ کعبہ علی مرتضی کا

ازل سے ابد تک، ہے ہر اک زمانہ، علی مرتضی کا

۱-

عجب ایک منظر زمانے نے دیکھا

یہ کہتے ہوئے شمس مغرب سے پلٹا

ہے کافی مرے واسطے اک اشارہ علی مرتضی کا

۲-

خدا جانتا ہے نبی جانتے ہیں

ہر اک علم مولا علی جانتے ہیں

دلیل اس کی ہے یہ سلونی کا دعویٰ علی مرتضی کا

۳-

وہ آدم ہوں یوسف یا ہارون و موسی

ہوں اسحاق و الیاس یعقوب عیسی

ہے مشکل میں ہر اک نبی کو سہارا علی مرتضی کا

۴-

یہ ارماں ہے میرا یہ ہے میری حسرت

خدائے علی دے مجھے اتنی مہلت

بس اک بار دیکھوں نجف جا کے روضہ علی مرتضی کا

۵-

جری کے پدر نے کہا یہ جری سے

ہو اب تم تو شاعر علی مرتضی کے

قصیدہ سناؤ مجھے میرے مولا علی مرتضی کا